SAMAHANG ILOKANO - KABAGIS

Samahang Ilokano - KABAGIS National President Roger Wanasen issued a statement regarding the recent tragedy brought about by typhoons Ondoy (Ketsana) and Pepeng (Parma), and the continued efforts of members of the Samahang Ilokano to help those in need:

Saan nga mailibak kakabagis iti napasamak idi napalabas nga bagyo ditoy ili tayo nga Pilipinas. Ket kariten kayo man kakabsat ko nga tulungan tayo man dagiti nadangran nga kakabsat tayo, Adu iti naperdi iti balay da, napukaw dagiti dingwen da, kasta met dagiti gamit da nga na-iyanod iti napegges nga ayos ti danum. Naperdi met dagiti pagay da nga ma-apit kuman. Napan kami nangitulod iti sangkabbassit nga tulong, bagas, sardinas, kape, asukar, noodles ken tinapay para kadagiti ub-ubbing idiay Bakit-Bakit Rosales Pangasinan. Ket isaruno mi iti Mangatarem, Villasis, Binalonan ken dadduma pay nga lugar nga makasapul iti tulong. Maragsakanak unay ta dagiti kakabsat tayo nga Israel Chapter ket nangipatulod da met iti kuarta nga innayon mi nga ingatang kadagiti inwaras kadagiti kakabsat. No adda kuma ma-itulong yo ket tulungan tayo kuma dagiti kakabsat tayo nga agsagsagaba gapu iti napalabas nga didigra.

Namnamaek nga matignay kuma dagita puspuso yo,

Toy Kabsat yo,

Roger Wanasen